Hér baular Búkolla

Bara til þess að slá botninn í þetta

2008-10-07T12:48:00.003Z

Við erum flutt í húsið,,, og náðum því í júlí (26. tú bí exact) já já þið vissuð það nú alveg :) og okkur líður rosalega vel, já þó að það sé kreppa, við áttum hvort eð er enga pjéninga til þess að tapa, þannig að við ákváðum að tapa ekki geðinu og erum bara mjög geðgóð :) í augnablikinu eru tveir glaðlyndir pólverjar að vinna í bílskúrnum okkar, getum ekki beðið um meira í bili...

Ákváðum í miðri kreppu að bæta við fjölskylduna... og gerðum það sko með stæl, núna erum við orðin 6 í heimili þar sem tveir litlir 8 vikna kettlingar bættust við fjölskylduna í gær, ó þvílík hamingja :) þetta eru systkinin Theodór og Cleópatra... (Teddi og Cleó) Þau koma með sól og sumar í húsið, alveg frábærir karakterar.

En þetta var bara til þess að enda þetta líka skemmtilega bloggferli mitt í bili, bött never sei never...

Meira síðar?
Æ dont þink só,
síjú leiter aligeiter.

Búið í bili

2008-06-03T10:10:00.002Z

Ekki fleiri myndir hér. Hægt er að skoða myndaalbúmið okkar nýja þar sem myndir verða settar inn í stað þess að hafa þær hér...

http://public.fotki.com/ulfarsbraut/

Það er ennþá allt að gerast í húsinu, við erum bara þar öll kvöld og höfum verið að undirbúa fyrir málarann. Allir milliveggir komnir :) Stefnan er ennþá tekin að flytja inn í júlí!

Allt í góðu lagi

2008-05-07T12:06:00.001Z

Bara smá öppdeit, það gengur allt mjög vel í húsinu, alveg hreint rífandi gangur í raun og veru... við erum þarna hjónakornin á hvurju kvöldi og allar helgar, húsið orðið fokhelt og verið að vinna í að koma gólflögnum á sinn stað, þá verður flotað, síðan milliveggjum hent upp, klárað að pípa, síðan sparslað og málað, síðan eldhúsinnréttingin sett upp og þá getur litla fjölskyldan flutt inn.
Set fljótlega inn myndir :)

Suðurhliðin

2008-03-21T23:07:00.001Z

Suðurhliðin

Stofuglugginn.

Stelpurnar séð frá stofunni upp á næstu hæð

Ballið heldur áfram....

2008-03-21T11:41:00.005Z

Það er búið að vera að vinna í húsinu sleitulaust, allar helgar og flest kvöld hafa farið í húsið uppá síðkastið enda allt að gerast... og veðrið loksins til þess að vinna.

Þarna erum við að setja tjöruprimer við gluggana, síðan kemur teip alveg við gluggana og útá vegg, þetta á að einangra allt voðalega vel.

Haldið við húsið...?

jæja það er nú svo sem ýmislegt sem gerist í húsinu án þess að ég sé að blogga um það...

en nú er staðan þannig að norðurhliðin er búin að taka á sig mynd, allir gluggar komnir á sinn stað og bara rétt eftir að þétta þá.

Suðurhliðin er líka öll að koma til og flestir gluggar komnir, aðeins eftir að glerja eitthvað. Það er sem sagt verið að loka húsinu.
Jæja má ekki vera að þessu bloggi - farin uppí hús... (æj æj nei það er föstudagurinn langi...)

Gleðilega páska :)

Ballið búið?!?

2008-03-04T21:21:00.005Z

Hvað meiniði???

við héldum að ballið væri bara rétt að byrja!

af hvurju er okkur ekki sagt frá þessu?
---oOo---

Þarna trónir húsið okkar, eins og það sé kviknað í hjá nágrönnum okkar, við erum í myrkrinu :)

---oOo---

...tekið úr Fréttablaðinu á laugardaginn 01.mars 2008

ps. smellið á myndina, þá stækkar hún

Það er alltaf nóg að gera...

2008-02-17T11:03:00.006Z

Áður en hægt er að setja gluggana í þá verður að sjóða vinkla á súlurnar :)

hér er meistarinn/bóndinn/prinsinn (allt sami maðurinn MINN) að bera sig mjög svo faglega að verkinu og sýnir hér undirsuðu og yfirsuðu...
Mér finnst hann flottur!
Úúú jee Allir eru nýttir í hin ýmsu verk, aldnir sem ungir... hér mokar tengdapabbi vatninu afar faglega, því út skal það... eða var það inn?

En hún sópaði eins og herforingi! (muniði eftir mokstursmyndunum?)

:) duglega stelpan okkar!

Þak yfir höfuð... tjekk!

2008-02-13T23:19:00.007Z

Jæja þá hékk veðrið loksins okkar megin nógu lengi til þess að okkar menn droppuðu við og skelltu nokkrum tonnum af steypu á þakið hjá okkur, þannig að nú er það "official" við erum komin með þak yfir höfuðið :) skál kæru félagar!

We are back... góðir hálsar.

2008-02-10T22:19:00.000Z

Flott view :) Grafarholtið til vinstri og bærinn framundann.

Töff mynd tekin snemma einn morgun eftir óvænt rok,,, eða var það ekki svo óvænt?
Og hér er bara vaðið uppá þak og verið voðalega stór kall
"Im on the top of the world looking down on creation"
Það er sem sagt verið að bíða eftir að það verði nægileg þýða og kannski ekki rok og snjór og rigning og allt það til þess að hægt sé að steypa þakið! djísús þetta veður...
Sætar stelpur!

Hvar er Karen?

En ég meina það er samt allt að gerast, um leið og það lygnir þá eru allir menn klárir í bátana og

hér er verið að grafa fyrir heimlögnunum, kalt og heitt vatn komið á í kofanum. Og þarna var verið að setja upp súlur fyrir húsmóðurina, nei fyrir stóru gluggana, ég fæ víst ekki að nota þessar súlur! nema fyrir glugga ok.

Og verði ljós... í bílskúrnum!

Annars sást til okkur fjórmenninganna niður í kjallaranum í kringum eina ljósaperu og dáðumst af verki rússana (ergó rússneskar perur komnar hér og þar) en húsið er ekki fokhelt?

Afsakið kæru lesEndur að við höfum ekki verið nægilega dugleg við að henda inn myndum hér á síðuna okkar, en þessa leti má skrifa alfarið á húsmóðurina og má hún skammast sín...

Heyrði eitthvað útundan mér að fólk væri orðið leitt á áramóta myndinni, enda hefur hún verið aldeilis lengi, það er komin ein framtönn og allt! lofa að láta heyra í okkur fyrr næst.

Blessjú :)

Gleðilegt ár :)

2008-01-01T15:46:00.000Z

Þá eru það smáatriðin... þakið og gluggarnir.

2007-12-29T21:00:00.000Z

Þrátt fyrir smáatriði eins og jól og frídaga og sollis er sko ekkert slakað á og unnið af mikilli hörku, enda hörku-menn hér á ferð! Okkur er það mikill heiður að fá að deila með ykkur myndum frá gluggainnsetningu og undirbúningi af þakásetningi.

Gjörið svo vel og njótið með okkur :)

Gluggagæjar út-um-allt

2007-12-20T20:57:00.000Z

Það var sko tekið á því í vikunni og fjörutíu já skrifa og segi fjörutíu feta gámur stútfullur af gluggum og körmum og hurðum tekinn í nefið. Það var verið að losa gáminn og setja einhverja glugga í bílskúra og þannig hafa betra aðgengi fyrir því sem geymt er í gámnum örlitla stund í viðbót. Í fellinu búa 12 jólahreystimenni og komu þeir allir eins og kallaðir, enda jólin á næsta leiti og allir þurfa þeir hvorteðer að fara að arka í bæinn, þó með stuttu stoppi í Úlfarsbrautinni...

Hvað er það sem maður segir, myndir segja meira en þúsund orð, læt ég því hér staðar numið og leyfi ykkur að njóta myndanna í myrkrinu.

ps vil taka það fram að þetta eru svona cirka 150 til 250 kg gluggar... og þeir tóku þessi kíló eins og fjaðrir væru :)

Úlfarsbrautarbændurnir á góðri stund (smá pásu)

þetta er ekkert þungt strákar er það nokkuð???

Allir með gott grip!

Það má með sanni segja að allir gluggagæjarnir með tölu verða í reisigillinu...

TAKK allir saman fyrir hjálpina

Og þá settist síðasta einingin á sinn stað...

2007-11-24T21:54:00.000Z

....og þá er bara beðið eftir þakinu :)

Meira síðar...

Hátt hátt uppi - enginn lofthræddur hér?

2007-11-05T22:09:00.000Z

Rise and Shine

2007-11-01T09:40:00.001Z

Frá þriðju hæðinni séð

2007-10-28T20:56:00.000Z

Hér er staðið á þriðju hæðinni og horft niður í stofuna.

Þessi venjulega, en glöggar lesEndur sjá að það er búið að taka viðarverkið...

Hér er svo horft niður í hyldýpið ... scary mary

ps Baunin spurði hversu stórt húsið yrði, jú þetta eru skráðir 226 fm.

Gert klárt fyrir næstu hæð, þe þriðju og síðustu.

2007-10-21T20:53:00.001Z

Síðan þessi mynd var tekin þá er búið að setja fíligran plöturnar á undirstöðurnar og enn verið að undirbúa... meira síðar.

Mokað að

2007-10-17T22:56:00.000Z

Og svo sturta

2007-10-16T22:04:00.000Z

Drenið lagt ... loksins.

2007-10-16T20:41:00.000Z

Ok ég segi ekki að þetta hús gangi ílla, heldur frekar hægt, það er haldið vel áfram og má segja að strákarnir/prinsarnir/hetjurnar séu alveg hreint brilliant duglegir ... en aftur að þessu með að ganga hægt, sko við eigum að tæma okkar íbúð eftir mánuð! Halló á einhver þarna úti bílskúr??? svona mubluhæfann :) oh jæja það mátti reyna ... en takk samt :)

Strákarnir voru að vinna í dag, þrusu duglegir ... ó var ég búin að segja þetta áður? þegar ég kom við til að skoða þá vinna, ferlega hot að horfa á flotta menn vinna, þeir eru reyndar soldið dúðaðir en hey maður getur alltaf notað ímyndunaraflið ...grrrr ...já sorry gleymdi mér aðeins hvar var ég? já þeir voru að tala um að Hús og Híbýli ættu nú að koma við og sjá þessa flottu drenlögn og jarðvegsvinnu, ótrúlegt hvað það er hægt að vera stoltur af jarðvegsvinnu :) og hvar er Vala Matt? skil'etta bar'ekki.

Svo er það bara að koma sér uppúr þessari holu og drífa þriðju hæðina upp upp upp mín sál. og svo þakið og svo gluggana og svo rafmagnið og svo hitann og svo klósettið og svo innréttingar og svo okkur...

og svo eru menn að furða sig á því að kona sé andvaka

Maybe tomorrow var í gær :) og það var steypt og steypt

2007-10-10T17:46:00.000Z

og svo fer þetta ofan á ...

og þá má næsta hæð koma :)

Járnabindingar - indingar - ngar - ar - rrr

2007-10-06T17:44:00.000Z

Bridge over troubled water ...

það er ekki ennþá búið að moka að húsinu, enda eftir að steypa gólfið og leggja drenið í kringum húsið ...

Bóndinn spurði pólverjana okkar í gær

"when are you gonna ... steypa?" (já þeir skilja orðið steypa)

það lá ekki á svari ... "tomorrow" ...

Þeim er alvara með þetta að járnabinda.

Ég meina það, hafið þið séð annað eins? Þetta ætti að halda, myndi ég halda!

Og svo að lokum þessi sem er vatnið og rafmagnið inní bílskúrnum...

kræst hvert fer hvað og hvernig?

Lifið heil :)

Spaghettísúpa

2007-09-25T20:09:00.000Z

Og hvað á svo þessi færsla að heita? anyone - Beauler ...

2007-09-25T18:42:00.000Z

Úlfarsbraut 10

inngangur lengst til vinstri, gluggi í miðjunni og bílskúrshurð til hægri,

langa opið á gaflinum, (lengst lengst til vinstri) er gluggaop í stigaganginum.

Aukaljós tengt í svalirnar,,, sjáiði útsýnið mar :)

Hér er verið að rafmagnast í eldhúsinu mínu.
Síðan kemur gólfið, þe eftir píparanum, en hér er rafvirkinn að stússast :)
Þetta er nú orðin algengt sjónarhorn, húsið séð að neðan :)

Uppsláttur

2007-09-25T14:25:00.000Z

Hér hefur verið slegið upp fyrir svölunum okkar, næsta skref þar er að járnabinda og svo steypa þegar rafvirkinn hefur lokið sér af á hæðinni og píparinn gert það sem hann á að gera. Nú svo þegar það allt er komið og gólfið hefur verið steypt þá er hægt að moka að húsinu og þá fer nú að vera gaman að lifa :)

Bara unnið og unnið.

Séð út frá norðri til suðurs, í húsi nágrannans.

Það sem við höfum verið að gera uppá síðkastið er mest og mikið, það er búið að vera moka (jiii eruð þið ekki hissa að við séum að moka?) já það er ennþá hægt að moka og við gerum það óspart, þe spara að fá aðra til að gera það sem við getum alveg gert sjálf... það er nefnilega verið að hugsa fyrir dreninu í kringum húsið og það þurfti að setja mjúkann sand undir rörin. Það hafa verið mörg góð kódak-mómentin, td ég og Eyrún að baksa við að koma fullum hjólbörum niður grýttann jarðveginn, síðan mætti Kristjana sys á svæðið og tók góða syrpu við að moka, alveg eins og herforingi, takk fyrir hjálpina kæra sys :) þú ert búin að vinna þér inn boð í reisugillið!

Við höfum kannski ekki verið svo dugleg við að taka myndir uppá síðkastið, lofum bótum á því.

Meira síðar.

Our house, in the middle of our street ...

2007-09-18T00:03:00.000Z

Mynd komin okkar meginn.
Hér er verið að setja upp vegginn á milli eldhúss og bílskúrs.

Og hér sést inn í eldhúsið.
Jebb í rigningu, kulda og roki, áfram heldur verkið.
Dullegir strákarnir.

Og þá er það fyrsta hæðin ...

2007-09-15T18:40:00.000Z

Þá eru fíligran plöturnar komnar og veggir fyrstu hæðarinnar að mjakast upp.

Já ég veit ég veit :) Ótrúlega flott

Næsta hæð! hvet ykkur til að smella á myndirnar til að stækka þær!

2007-09-11T19:16:00.000Z

Jæja óhætt er að segja að eitthvað sé að gerast ... hér er verið að undirbúa að næsta hæð geti risið og svokallaðar fíligran plötur lagðar. Síðan koma veggir og svo verður steypt gólf og þá? Tjahh ...

Until next time :) stay tuned.

Undirstöður.

2007-09-08T13:19:00.000Z

FE 10.0.13 = veggurinn á milli stigans og sjónvarps/samveruherbergis :) Við mæðgurnar mættar á svæðið að skoða áður en undirstöðurnar voru settar. Frúin er útá palli, þarna verður gluggi og svalahurð og pallurinn upphitaður ... sjáið þið þetta ekki alveg fyrir ykkur?

Horft inn í sjónvarps/samveru-herbergi, fremsta hurð er í vinnuherbergi, næsta hurð inn í geymslu og þriðja hurð inn í þvottahús, stiginn verður á bakvið vegginn og hurðinn útí enda það er "bakherbergi" sem verður breytt m.a. í geymslu, billjardherbergi, borðtennis-sal ... (hvað heldur konan eiginlega að þetta sé stórt?)

Horft inn um gluggann á vinnuherberginu.

Nú þarf bara ...

2007-09-07T20:36:00.000Z

þetta ...

að fara ofan á ...

þetta ...

... og þá getur næsta skref hafist :)

Gólfhiti lagður og platan steypt

2007-09-05T21:18:00.000Z

Það sem hefur verið að gera síðustu daga er að leggja hitann í "bakrýmið" og pallinn, nú síðan kom gólfið, rennislétt og fallegt ...

Finnst ykkur ekki?

Framundan? ... bara áframhaldandi steypuvinna og reisingar :)

Will keep you posted.

Á morgun var í dag og þá var...

2007-08-28T20:41:00.000Z

Járnabundið :)

fyrsta sem ég spurði þegar ég sá þessa mynd var "snjóaði í dag?"

Í dag var svo einangrunin sett á fína slétta sandinn :)

2007-08-27T20:43:00.000Z

Á morgun? Tjahh hvur veit...

To be continued ;)

Another day in paradise

2007-08-25T15:17:00.001Z

Það er hreint ótrúlegt hvað þarf mikið að moka....það er sem sagt verið að undirbúa það að platan verði steypt og þá þarf að vinna góðan jarðveg fyrst og það er gert með mokstri :)

Ok þessi er ekki beinlínis að moka hér en stóð sig með miklum sóma :)

Þessi mokaði...
og meira mokað...
Það er alveg hægt að nota alla í mokstur, bara byrja nógu snemma...

svo mokuðu frýrnar líka og mér sýnist sú stutta sé komin með iðnaðarrassinn strax.

Pró fram í fingurgóma :)

.
.
.

smá eftirmáli: Sko myndirnar sem koma hér á eftir eru allar teknar á sínum hvorum deginum, en það gerist allt svo hratt núna á eyrinni að það hefur bara ekki unnist tími til að skella inn myndum jafnóðum og hlutirnir gerast...

But enjoy the show.

24.ágúst 2007. Það er svo margt sem þarf að huga að, hér er búið að setja niður rörin og svo vantaði sand og fullt af honum...

2007-08-25T15:14:00.001Z

Þessi hafði svona yfirsýnina á hreinu... "hvar vantar sandinn?"

"Þarna og keep it coming"

22.ágúst 2007. Það er ekkert gefið eftir og steypt í hellirigningu

2007-08-25T14:56:00.000Z

Jebb allt að gerast...

Fyrsta hæðin er komin.

2007-08-16T22:16:00.000Z

Hér vantar vegg...
Og hér er hann kominn, þetta er sökkull norðan meginn.

Farin að koma mynd á þetta...

Later dudes :)

Fyrstu veggeiningarnar settar á sinn stað.

2007-08-14T18:44:00.000Z

Í lausu lofti ég svíf.

Númeró únóDuglegir strákarnir.
Pússlað saman.

En ég sé að við verðum líklega að þjappa aftur....... :)

Allir í bátana! Stærsti bílkrani á landinu gerður klár...

2007-08-13T21:25:00.000Z

Meira síðar ///(",)\\\

ps sumar myndir er hægt að smella á og þá stækka þær,

en þetta vissuð þið nú alveg :)

Show must go on...

2007-08-08T20:16:00.000Z

Það kom nú töluverð pása í þetta alltsaman vegna sumarfría á öllum vígsstöðvum, en núna eru þeir mættir galvaskir bræðurnir Gísli, Eiríkur og Helgi og ætla að reisa einhverja veggi á næstu dögum, fylgist spennt með.

Hér er búið að setja niður litla sæta kassa sem verða undirstöður fyrir háu sökkuleiningarnar, þetta er sem sagt norðanmeginn í húsinu, hitt sem við vorum að slétta og svoleiðis það er bara helmingurinn...

Þetta er sem sagt svona óuppfyllt rými...

Og hér biðu þeir bræður eftir að steypan kæmi niður úr þessum rana... þetta er svona eins og að hella úr fötu í fingurbjörg... ætli þeir hitti í hjólbörurnar ???

hef smá áhyggjur, en sem betur fer áttuðu þeir sig og færðu steypubílinn aðeins...

Hmmmm... ok... ég er samt viss um þeim takist þetta, hef fulla trú á strákunum...

Meira síðar.

"þið eigið eftir að finna fyrir þessum degi langt inn í næstu viku"

2007-07-24T21:43:00.000Z

Hér er maður dreginn á afturendanum framúr fyrir allar aldir í sumarfríinu sínu til að gera hvað ? jú mikið rétt moka með elskunni sinni. Hann nennti ekki að vera einn í sandkassaleiknum í dag og vildi félagsskap... að sjálfsögðu valdi hann mig, en ekki hvað !?!

Þannig að við vorum komin rétt fyrir klukkan níu í morgun og svo byrjaði stritið, og ég get sko lofað ykkur að þetta var PÚL, já bara Helv Púl (ég var ekki lengi að ná upp lingóinu... það voru berir smiðir um allar jarðir og þeir kunnu sko að tjá sig (ég ætla ekki að skrifa orðið sem ég lærði í dag, það gætu börn verið að lesa þetta blogg, en ég get lofað að prinsinum mínum blöskraði smá orðaforðinn minn eftir daginn hnegg hnegg)

Verkefni dagsins var að setja sand í sökklana, dreifa vel úr og þjappa... sandurinn átti að ná fjóra til fimm cm frá brún, síðan verður sett einangrun og svo steypa, þetta átti að vera slétt og þegar ég skrifa slétt þá er ég að tala um slétt,,, ekkert semi slétt, eða svona næstum slétt, nei slétt !

Heyrið nóg um orð, hér koma myndir:

Það var mokað

Og það var þjappað

Og meira mokað, eða eiginlega sléttað með svona flatri sköfu...

Þetta er svo afrakstur dagsins, fjögur hólf stútfull af þjöppuðum sandi.

Vinnudagurinn var sem sagt frá klukkan níu til fimm (eða reyndar hálf fimm) og þá var farið í pottana til að hita upp auma vöðva, því eins og hann Múri okkar (á eftir að segja ykkur frá honum) sagði svo skemmtilega þegar hann kíkti á okkur um klukkan fjögur "þið eigið eftir að finna fyrir þessum degi langt inn í næstu viku"

Það er allt að verða vitlaust...

2007-07-20T19:15:00.000Z

Það þarf að moka með lítilli skóflu og þegar maður er alveg búinn að ná því þá er hægt að fara á stóru stráka skófluna og leika sér smá... muniði eins og í sandkassanum í gamla gamla daga...

jú minn elskulegi varð að rifja upp taktana...

Maðurinn kann þetta alveg....

Og þá komu lagnirnar, gaman að segja frá því að stúturinn sem er fremstur liggur í vaskinn okkar og uppþvottavélina sem verður á eyjunni á fyrstu hæðinni, það er hæðinni sem gengið er inn, en þið voruð örugglega löngu búin að sjá það út er það ekki ?

Myndir af sökklunum, hér er verið að undirbúa það að steypa þá saman því ekki mega þeir detta í sundur og nú er ég farin að blogga í titlinum :)

2007-07-11T09:23:00.000Z

Undirbúningur fyrir steypUregn...

Þarf nokkuð að segja hér ? Held ekki :)

2007-07-10T22:31:00.000Z

Eitthundraðastaogfyrsta færslan; sökkuleiningar hífðar á sinn stað

2007-07-06T22:30:00.000Z

Jörðin er farin að spíra...

Loksins sökklar loksins

2007-07-03T21:41:00.000Z

Já ég veit hvað þið eruð að hugsa... LOKSINS byggingarblogg!! fyrirgefið að ég hef ekki verið að sinna þessu, en núna er ALLT að gerast.....

Læt myndirnar tala sínu máli um stund.

Þá gerðist það...

Sökklarnir komu í dag. Ég held að ég þori alveg að segja það án þess að særa nokkurn mann... Þetta eru örugglega fallegustu sökklar sem ég hef nokkurn tímann séð...

Nei reynið ekki að mótmæla mér !!!

Staðreynd

2007-07-02T22:27:00.000Z

Er það ekki dæmigert að þegar Búkolla loksins hypjar sig í ræktina þá fær hún bara harðsperrur í Kálfana...?!?

Og ég beið og ég beið og ég beið

2007-07-01T22:10:00.001Z

Sökklarnir ekki komnir... en það er ekki öll nótt úti enn... morgundagurinn bíður frískur handan við hornið og ekkert annað en að taka honum fagnandi með öllu því sem honum fylgir... sökklum eður ei...

Þessi helgi hefur bara verið góð, þrátt fyrir nokkurn söknuð, en eldri dóttirin er núna í Ölver og verður þar í viku, já mamman saknar hennar örugglega meira en hún saknar okkar, en veit að hún hefur það svakalega gott og hlakka bara til að fá hana heim aftur stútfulla af nýjum ævintýrum.

En kommon sólin maður... LOVELY

og rigningin núna... aldeilis góð fyrir gróðurinn !

JónsmessuBlogg

2007-06-23T23:02:00.000Z

Við fjölskyldan vorum að koma úr góðum göngutúr svona í tilefni þess að það er Jónsmessa. Ótrúlega fallegt og friðsælt úti, sólin skein og fuglarnir spásseruðu alltumkring.

Eins og skáldið sagði:

"Ekkert er fegurra en vorkvöld í Reykjavík"

(ok það er komið sumar///(",)\\\)

Góða Jónsmessunótt elskurnar

Ég gæti...

2007-06-21T21:05:00.000Z

... verið að setja inn myndir af klóakrörinu, kaldavatnsrörinu og rafmagnsinntakinu, en sleppi því þangað til ég hef eitthvað meira bitastætt.

Vinnuskúrinn er klár og hafa fróðir menn lofað sökklum á byggingarstað um miðja næstu viku...

Já sömu sökklarnir og ég hef verið að tala um í mánuð (sjá myndir neðar)

Legg ekki meira á ykkur í bili.

Öppdeit, en ekki um bygginguna í þetta sinn...

2007-06-17T22:11:00.000Z

Það var vaknað snemma á laugardagsmorgni og farið í Mosfellsdalinn eftir rósum, í þetta sinn er vinkona úr vinnunni að fara að gifta sig og enn hlotnast mér sá heiður að fá að gera brúðarvöndinn og í þetta sinn ásamt barmblómum, brúðarmeyjuvendi og kastvendi.
Því var það með gleði í hjarta að vekjarinn var stilltur örlítið fyrr...

...svona miðað við að það er laugardagur

Karen Sif fannst nú ekki leiðinlegt að vera að skottast í kringum mig og öll blómin, falleg svona nývöknuð :)

Og þetta er svo brúðarvöndurinn...

Dagurinn var alveg frábær í alla staði, brúðkaupið alveg yndislegt og þau Sylvía og Óskar ljómuðu!!!

Innilega til hamingju krúttin min :)

Fallega dóttir mín :)

2007-06-11T13:08:00.000Z

Þjöppun.

2007-06-08T16:42:00.001Z

Jæja það er alltaf verið að undirbúa :) Núna var verið að þjappa lóðina þannig að allt sé slétt og fellt fyrir sökklana... Ég veit - ég veit þið elskið að fá fréttir og myndir :) Meira síðar...(jibbý)

Fleiri myndir...

2007-06-06T15:14:00.001Z

Ég finn alveg hamingjusæluna frá ykkur alla leiðina hingað yfir þessu bloggi :)

En Bóndinn fór í Einingarverksmiðjuna til að kanna stöðuna og tók nokkrar myndir af einingunum OKKAR :)

Sko allt að gerast...

Það er alveg yndislegt að hinir og þessir sem vita að ég er að byggja eru að tala við mig um sumarbústað skáfrænda síns, viðbyggingu afasonarmágkonuömmusinnar og halda í alvörunni að ég sé uppfull af áhuga... Yeah right :)

....(ég er svo sjálfcentruð að ég nenni BARA að tala um mig og mitt hús... SORRÝ) og þið fáið að þjást fyrir það... múahahahahaha....hmmm

Þrjú tonn af sandi

2007-06-03T13:14:00.000Z

... Neee það er voðalega lítið að gerast á lóðinni.

Það komu nokkur hlöss af möl ofan í grunninn til að setja sökklana ofan á.

Sökklarnir eru í smíðum í verksmiðjunni og koma vonandi í þessari viku.

Við fengum forláta eldhúsborð frá Sverri og Auði til að punta í vinnuskúrnum okkar og eru nú þar tveir stólar og borð, alltaðkoma! HEY já og motta við dyrnar, ekki gleyma henni :)

Klósettið er allt í mold og sandi af því að það fauk inn um ristina á veggnum, það sem sagt sleppur eitthvað inn, en fer voða lítið út í augnablikinu.

Legg ekki meira á ykkur í bili...

Sumir þreyttir eftir daginn...

2007-05-28T22:00:00.001Z

En í góðum félagsskap

Sólríkar Suðurhlíðar, Fellið, Áin og Dalurinn...

2007-05-28T19:08:00.000Z

Soldið flottur vinkill hér í gangi, við ánna og uppí hverfið okkar.

Hér má einnig sjá skúrinn okkar sem verður okkar annað heimili í sumar, já já hann er upphitaður með rafmagni og klósetti, allir stælar.

Dóra neðan við grunninn og rétt við skúrinn. Flottur ha ?!?

Hér eru stelpurnar við Úlfarsánna, móðirin verður víst að viðurkenna að hún var ekkert búin að taka eftir þessari á ! spurning um að fá leiserinn endurgreiddann hmmm... en flott er hún, áin sko og svo sáum við fisk í henni, ánni sko...

Hvað eiga...

2007-05-27T18:49:00.000Z

... Hreindýr - Gæs - Rjúpa - Svartfugl og Höfrungur sameiginlegt ?!?

-svar- Öll þessi dýr (jebb Bambi og Flipper) runnu ljúflega niður í minn maga í gær - *rop*

Takk fyrir mig :)

26. maí....

2007-05-26T15:02:00.000Z

Jebb

Brúðkaupsafmæli !!

Núna eru árin orðin

17 !!!

Holan er komin

2007-05-23T13:37:00.001Z

Og núna erum við að leita að stóru fræi til að setja niður og sjá það dafna, ég er ekki viss hvort að hárin úr halanum dugi til, en við reynum samt...

Stór og voldug grafa, og ekki mátti hún vera minni miðað við stærðina af holunni

Stelpurnar að leik í holunni...

Litlar stelpur í stórri holu...

Þessi er töff !!!

Engin afsökun!

2007-05-22T13:28:00.000Z

Ég fékk Ipod Shuffle (tekur um tvö hundruð lög) í afmælisgjöf frá mínum elskulega eiginmanni og yndislegu dætrum... og nú er engin afsökun fyrir ræktarleysi ! verð ég þá að vera í ræktinni þangað til lögin eru búin ?

ps mér finnst samt móðgun að það SNJÓI á afmælisdeginum mínum!!!

How Life Goes On And On...

2007-05-22T10:35:00.000Z

Sofnaði í gær aðeins 37 ára ungabarn, vaknaði í morgun 38 ára... vá hvað nóttin getur gert á einni nóttu :)

Ég er ennþá Dirty something... tvö ár í forty Flirty!!

Má helst ekki gleymast

2007-05-21T09:51:00.000Z

Í gær var ég pirruð, þreytt, lúin og snúin... þegar ég fattaði, að ég gleymdi töflunum mínum.

Ókey !?!

2007-05-19T19:25:00.001Z

Stjörnuspá

Tvíburar: Þó að þér líði eins og guð í gær og djöfullinn í dag, reyndu þá að líta bara út fyrir að vera gamla góði þú, svona út á við. Annað gæti hrætt fólk.

Tíminn

2007-05-17T17:07:00.000Z

Sex ára skottinu mínu finnst stundum tíminn vera soldið lengi að líða og tímaskynið hennar getur verið mjög skemmtilegt...

Dæmi:

Hún: Mamma hvað er klukkan núna ? (ég: Hún er hálf fimm.)

Hún: Veistu sko ég er búin að bíða og bíða... það er búið kastljós og táknmálsfréttir og allt, en það kemur ekki barnatíminn, þetta er búið að vera í tuttugu mínutur og ég er leið á því að bíða... ég er alveg búin að bíða í HÁLFA MÍNUTU !!!

Annað dæmi:

Hey mamma ég fann hitamælinn... ég var búin að leita og leita, hafði ekki séð hann í ÞRJÁ MÁNUÐI !!!

Svo eitt gott í lokin... kom að henni að telja...fimmtíu og sjö - fímmtíu og átta... (ég: hvað ætlaru að telja uppá mikið ?) hún: Hundrað ! (ég: af hverju ?) Hún: AF ÞVÍ AÐ ÉG KANN ÞAÐ !!!

It's better to burnout than to fade away...

2007-05-17T13:29:00.000Z

Ég er að ströggla hérna á netinu... hef ekki neitt að segja og það er ekkert gaman að blogga um ekki neitt og þaðan af síður gaman að lesa um ekki neitt...

Fann þetta á netinu og átti sér samsömun stað :

http://imgs.xkcd.com/comics/blogofractal.png

Stjórnmálin í hnotskurn...

2007-05-08T11:28:00.000Z

Nonni litli var aðeins farinn að velta fyrir sér lífinu og tilverunni og einn daginn fór hann til pabba síns og spurði hann: "Hvað eru stjórnmál?"

Pabbi hans svaraði: "Jú sjáðu til, það er kannski best að ég útskýri það á þennan hátt: Ég vinn fyrir fjölskyldunni og þess vegna skulum við kalla mig Auðmagnið. Mamma þín stýrir heimilinu og ræður útgjöldunum og þess vegna skulum við kalla hana Stjórnvöld. Við erum til þess að sinna þörfum þínum svo við skulum kalla þig Fólkið. Við getum síðan haldið áfram og kallað barnfóstruna Öreiga. Litla bróður þinn skulum við kalla Framtíðina.

Farðu nú og veltu þessu fyrir þér og athugaðu hvort þetta kemur ekki heim og saman. þannig að Nonni litli fór í háttinn og hugsaði stöðugt um það sem pabbi hans sagði honum.

Um nóttina vaknar hann upp við grátinn í bróður sínum. þegar hann kemur inn í herbergi hans finnur hann fljótt að bleian hans er blaut og mikil fýla af henni. Hann fer inn í svefnherbergi foreldra sinna og finnur mömmu sína sofandi. þá fer hann að herbergi barnfóstrunnar og finnur að hurðin er læst.

Hann kíkir inn um skráargatið og sér föður sinn í rúminu með barnfóstrunni.
Að lokum gafst Nonni litli upp og fór aftur í herbergi sitt og sofnaði.

Næsta morgun segir hann við föður sinn. "Pabbi, ég held núna að ég skilji hvað stjórnmál ganga út á." Gott segir faðirinn, segðu okkur frá því. þá sagði Nonni litli: " Jú sjáðu til, á meðan Auðmagnið riðlast á Öreigunum er Ríkisstjórnin steinsofandi. Fólkið er hundsað og Framtíðin er í djúpum skít...

Ekki fyrir viðkvæmar sálir...

2007-05-04T21:59:00.000Z

Raunir konu sem ætlaði að skella sér í vax… Þið eruð ekkert viðkvæm er það nokkuð?!?

“Ég raka venjulegast á mér lappirnar því ég er bara of nísk til að fara reglulega í vax til að ráða við þennan frumskóg á löppunum á mér. Síðan fór ég í Hagkaup um helgina og sá eitthvað rosalega sniðugt vax, auðvelt í notkun, sársaukalaust og það besta að maður á að vera laus við hárin í 4-5 vikur..... og það var á tilboði!

Þannig að ég skellti mér á það. Síðan svæfði ég börnin og fór síðan inn á bað til að byrja hreingerninguna, ætlunin var nefnilega að koma kallinum á óvart þegar hann kæmi heim úr ferðalaginu seinna um kvöldið. Ég tók vaxið upp úr kassanum, þetta var svona kaldir vaxrenningar sem átti að nudda á milli handanna til að hita áður en þeir væru settir á hárugu svæðin.

Ég byrjaði að nudda renningana en sá fram á að það myndi taka alltof langan tíma og fékk því snilldarhugmynd. Ég lagði þá bara á borðið við hliðina á vaskinum, náði í hárblásarann, setti hann í botn og var nákvæmlega enga stund að hita þá. Síðan setti ég þá á leggina á mér og.......þetta var.... heitt og alls. ekki. sársaukalaust!

En ég viðurkenni þó að ég átti von á meiri sársauka, kona sem hefur gengist undir tvennar deyfilausar fæðingar og rúmlega 30 spor í hvort sinn, þolir nú alveg að 100+ hár séu rifin upp með rótum með einum vaxstrimli. Þannig að ég hélt áfram, kláraði lappirnar og eina rauðvínsflösku í leiðinni.

Þá fékk ég aðra brilljant hugmynd, ákvað að koma kallinum virkilega á óvart og leyfa honum að kíkja á eina sköllótta, það myndi án efa leiða til ýmissa skemmtilegra "æfinga". Þannig að ég athugaði með börnin, þau voru enn sofandi, náði mér í aðra rauðvínsflösku, hitaði vaxrenning, setti annan fótinn upp á klósettið og skellti renningnum í klofið..... og reif af.

Ó MÆ GOD!!! Ó JESÚS KRISTUR!!! ÉG SÉ EKKERT, ÉG ER BLIND, ÞVÍLÍKUR SÁRSAUKI!!!

Ég var blinduð af sársauka, sló niður hárblásarann og rauðvínsflöskuna áður en ég náði andanum aftur. Ég hélt ég hefði gelt sjálfa mig með því að rífa af mér hálfa píkuna! Ég þakkaði allavega fyrir að miðað við sársaukann þá gat ekki verið eitt stingandi strá eftir. Ég leit á vaxrenninginn. FUCK! FUCK, SHIT, FUCK! Hann. var. tómur. Ekki eitt einasta hár á renningnum.... og ekki neitt vax heldur! HVAR VAR VAXIÐ??? Ég leit hægt niður, hrædd við sjónina sem beið mín..... allt vaxið af renningnum var í klofinu á mér. Ég leit til himins. WHY? Og gjörsamlega miður tók fótinn niður af klósettinu!

Mistök! ÞVÍLÍK MISTÖK! Ég gjörsamlega heyrði píkuna og rasskinnarnar límast saman! Ég gekk um baðherbergisgólfið algjörlega miður mín og hugsaði hvað til bragðs skyldi taka. Hvernig get ég losnað við vaxið. Ég prófaði að toga það af með puttunum. Ekki góð hugmynd. Ég yrði að láta það leysast upp, bræða það á einhvern máta. Hvað bræðir vax?

Mér varð litið á hárblásarann en hvarf strax frá þeirri hugmynd þar sem mig langaði ekki til að útskýra brunasárin á brunadeildinni niður á Borgarspítala. Vatn! Vatn bræðir vax. Ég lét vatn renna í baðið, svo heitt að Saddam Hussein hefði kosið að nota það til að pynda óvini sína, ég aftur á móti dró andann djúpt, gekkst undir pyntingar sjálfviljug og settist í baðkarið.

Ég komst að nokkru sem ég hafði ekki vitað áður. Vatn bræðir ekki vax! Neibb, 60 gráðu heitt vatn bræðir ekki vax, aftur á móti var ég nú límd föst við baðbotninn! Heilinn fór í óverdræv, hvernig gat ég bjargað mér úr þessari klípu? Eftir ýmsar tilraunir sem allar mislukkuðust, náði ég í Lady rakvélina mína og ákvað að skafa vaxið af!

Ef ykkur langar til að vita hvernig það var legg ég til að þið rakið ykkur með ársgamalli vel notaðri rakvél, notið ekki vatn né nokkurs konar sápu. Þá komist þið nálægt því!

Ég var að reyna að skafa vaxið af þegar ég kom loksins auga á bjargvættinn minn. Hallelújah, Praise the Lord. Það fylgdi nefnilega með í pakkanum svona vax remover. Ég hafði bara ekki tekið eftir því fyrr. Ég flýtti mér að ná í bómull, hella slatta í og nudda yfir vaxið.

ÁÁÁÁÁÁÁÁÁÁÁ! Klofið á mér brann! Það var eins og ég hefði hellt yfir það bensíni og kveikt í! En mér var sama því helvítis draslið virkaði. Því þoldi ég sársauka sem yfirgnæfði allan þann sársauka sem ég hafði upplifað við fæðingarnar og gerði mig 150% tilbúna í 10 fæðingar í viðbót.
Þegar ég var búin að hreinsa allt vaxið af skoðaði ég djásnið. Þrátt fyrir öll ósköpin hafði ekki. eitt. einasta. hár. horfið! Ekki. eitt. einasta!!!

Þegar maðurinn kom heim var ég búin að víggirða minn helming af rúminu.....
---------------------------------------------------------------------------------------------“

(ps vil taka það fram að ég samdi þetta ekki,,, en varð bara að deila þessu með ykkur)

ÁÁááiiii

2007-04-03T10:31:00.000Z

Ég vaknaði í nótt, í svitakófi, vont að snúa mér, vont að liggja, dýnan hörð, sængin of þung. Verkjaði í allan líkamann -maginn - bakið -fætur -rass - hendur, ha rass ?

Ég hlýt að vera alveg svakalega veik, með svona rosalega beinverki !!

Þegar ég fattaði að þetta voru HARÐSPERRUR !!!

Hér er ekkert að gerast...

2007-01-25T22:38:00.000Z

Hef verið á moggablogginu og þessu núna í smá tíma og það er skemmst frá því að segja að umhverfið þar er mun betra... ætla því að setja þetta blogg hérna megin í smá pásu og skrifa á hinu blogginu sem er http://emmgje.blog.is/blog/emmgje/ síðan þegar það blogg svíkur mig þá kem ég kannski aftur hingað... en þangað til sjáumst á Moggablogginu...

Þá segir einhver, já loksins þegar ég kann á komment kerfið þá fer Búkolla á annan bás... hitt er samt einfaldara...

sjáumst :o)

Ouchh...

2007-01-24T10:22:00.001Z

Spurning um að fara í útflutning á nagladekkjum ? Annað tækifæri ?!?

Smá snjóföl og allir í Bandaríkjunum lenda í ruglinu...

Er einhver með mér ???

2007-01-23T18:16:00.000Z

Hér má örugglega finna eitthvað spennandi, ég meina þetta er tækifæri sem maður má bara ekki láta fram hjá sér fara... keilusalurinn er víst algjört æði, strætóskýli til staðar og við gætum haft frítt í strætó og allt, þetta gæti orðið svona Orange County Íslands... menn borga stórfúlgur fyrir að búa þar, því ekki hér ? Endilega gefið ykkur fram, áður en Baugur tekur þetta... hér er tækifæri!

Vel útbúinn draugabær til sölu

Annars fær hann Ármann Helgi frændi afmæliskveðjur dagsins, 17 ára töffari... nú gæti ég orðið verulega nastý móðursystir og sagt einhverjar krassandi sögur af honum sem litlum krúttlingi... en læt það vera. (hann les þetta ekki einu sinni þannig að það væri ekkert gaman )

Annars tókst mér að vera andvaka í nótt til klukkan 03... hefði ég vitað að leikurinn var endursýndur þá hefði ég getað sofnað yfir honum... nei í staðinn velti ég mér og bylti og pirraði örugglega prinsinn útí hið óendanlega, til að vakna við klukkugarminn kl 05:48 og fara í BootCampið og hlaupa móðuna frá mér... en hey við erum hálfnuð á því námskeiði, en ég stundi upp í morgun við 187undu magaæfinguna..."það er eins gott að við fáum almennilegt þvottabretti af þessu, eitthvað verðum við konurnar að græða á þessum æfingum"

Þið vitið að allt baulið í mér má einnig finna á síðunni minni á moggablogginu...
http://emmgje.blog.is/blog/emmgje/

Hið stórfenglega leyndarmál Heimsins

2007-01-21T22:14:00.000Z

átti að vera auðveldi parturinn af áramótaheitinu mínu...sjá

http://emmgje.blogspot.com/2007/01/hi-strfenglega-leyndarml-heimsins.html

Nema hvað að eftir að við vorum skráð á Dale Carnegie í vinnunni þá hefur bæst við bókalistann sem ég þarf að lesa... Lífsgleði njóttu... Vinsældir og Áhrif.....Árangursrík ræðumennska.....Eldmóður (hið lítt þekkta leyndarmál velgengninnar)....Árangursrík frásögn.... og annað góðgæti, þannig að með þessum titlum þá verður kannski bara "easy" parturinn að "verða bara svo miklu betri manneskja" Það er nefnilega þannig að æsispennandi reyfarinn um spæjarann Stein Steinarr sem tekur sér far með skipinu Heimurinn og ræður þar ráðgátu um glæp ...er ennþá á hillunni fyrir ofan rúmið mitt og ég er komin á bls 49... Lélegt... eins og mér finnst gaman að lesa bækur, get hreinlega gleymt mér í góðri bók og gleymi að fara að sofa og allt. En hvenær á ég að lesa þessa góðu bók, núna þarf ég að lesa hinar til að fylgjast með í Dale'inu og svo er ég með svo mikla þörf til að bloggrónast og tjá mig að það er engu lagi líkt... og ekki les ég þessar bækur á meðan ég hangi á blogginu...Hvert er Heimurinn að fara ???

Uppskrift...

2007-01-21T13:51:00.000Z

Sko á meðan einhverjir skrifa á blogginu sínu snilldarfærslur um heimsmál og pólitík þá hef ég hugsað mér að gefa ykkur lesendur góðir uppskrift af brauðrétt... Ekki er þessi brauðréttur bara ótrúlega góður heldur er hann fljótlegur og einfaldur.

Þú þarft í hann:

1 fransbrauð
1 dós grænn aspas
200 gr majónes
3 egg
200 gr rifinn ostur
100 gr skinka í strimlum

Aðferðin er svona:
Brauðið er skorið í tenginga, en skorpan er tekin frá. Safanum af aspasinum er hellt yfir brauðið. Í annari skál er majónesinu og þremur eggjarauðum blandað saman ásamt osti, aspas og skinku, þessu mauki er blandað við brauðið sem er búið að væta með aspassafanum muniði. Eggjahvíturnar eru stífþeyttar í skál og þeim bætt varlega við brauðjukkið. Öllu hellt í eldfast mót, rifnum osti stráð yfir, bakað í 20-30 mínútur, eða þar til osturinn er bráðnaður.

Verði ykkur að góðu :o)

Ræfill

2007-01-20T11:48:00.000Z

<- Þetta er ég síðustu tvo daga...

Vaknaði snemma fimmtudagsmorgun, ekkert ofsalega hress, en kenndi því um að ég væri bara syfjuð, fór því í BootCamp dröslaðist í gegnum æfinguna, sem var by the way algjör killer... tókum vel á neðri hluta, eftir að hafa tekið vel á efri hluta síðast, enda má ekki skilja neinn útundan... eftir því sem leið á æfinguna langaði mig meir og meir til að skríða eitthvert út í horn og hverfa, úff hvað ég var þreytt... Dröslaðist í gegnum daginn á hálfum krafti, kom heim og það passaði, ég var orðin veik. Hiti og hálsbólga... Í gær var ég svo bara rúmliggjandi, hausverkur, ógleði, hiti, allur pakkinn ! Þannig að ekkert blogg... bara Ræfill.

Aumur efrihluti

2007-01-17T11:43:00.000Z

Jæja dagurinn í gær farinn að láta segja til sín, armbeygjurnar og magaæfingarnar í BootCampinu eru farnar að skila sínu, ég fer bráðum að líta svona út... en bara bráðum, það eru nú 4 vikur eftir...

Stóra snótin var alsæl með daginn í gær og þakka ég kærlega fyrir kveðjurnar sem okkur bárust á þessu bloggi og hinu líka, gaman að sjá gesti sem ég vissi ekki að væru að lesa baulið í mér, en sem mér finnast stórskemmtilegir bloggarar.

Ég var LEeEngi á leiðinni í vinnuna í morgun, en þið ? Fór með litlu snót í leikskólann og keyrði að venju inn Starengið, en átti ekki von á ÖLLUM þessum snjó... Yarisinn þessi elska stóð sig samt með miklum sóma og ullaði bara á stóru jeppana sem mættu okkur... gáfum bara vel í og svo bökkuðum og gáfum svo bara aftur vel í og dönsuðum Rúmbu alla leið inn í Starengið, hlökkuðum mikið til að dansa tilbaka en þá var búið að ryðja snjóinn á þessum stutta tíma þannig að við dönsum bara Rúmbu seinna...

Á þessum degi, 17 janúar, fyrir 3 árum þá dó tengdamamma eftir mjög stutt veikindi, hún náði þó að vakna á afmælisdegi nöfnu sinnar hennar Dóru og kveðja okkur öll (þó svo við vissum ekki að hún væri að kveðja, þá vissi hún það örugglega)
Hennar er sárt saknað og lifir sem ljós í minningu okkar.

Hún á afmæli í dag...

2007-01-16T09:09:00.000Z

Frumburður minn á afmæli í dag :o) 12 ára er hún orðin stúlkan... mikið líður tíminn fljótt, finnst eins og það hafi verið í gær að við vorum að rölta með barnavagninn í blíðunni í Danmörku...

Á meðan ég spriklaði í Boot Campinu þá vöktu Pabbinn og litla systir með söng og pökkum, seinna í dag verður svo nokkrum vinkonum boðið í Keilu og fjör. Góður dagur :o)

Til hamingju með afmælið elsku Dóra mín :o)

Allt annað...og smá útúrsnúningur...

2007-01-14T22:04:00.000Z

þegar ég byrjaði á þessu blogg dæmi þá var ég að forvitnast um hvernig svona væri uppbyggt, ekki það að ég ætlaði að fara að hella úr tilfinningum mínum á opnu vefsvæði, nei svo athyglissjúk væri ég ekki, bara sjá hvernig þetta kæmi út, gaman að byggja upp vefsíðu en spurning um framhaldið, (þið sem lesið eruð þá búin að fatta að ég er þrælathyglissjúk fyrst að ég er að hella úr skálum mínum hér á næstum hverju kvöldi) nema hvað að forvitnin hefur rekið mig á hverja síðuna á eftir annarri, jú sem sagt byrjaði á bloggar.is en eftir alltof margar bilanir og verulega mikla óþolinmæði gafst ég upp og setti upp þessa á blogspot.com, hér hef ég skemmt mér konunglega við að setja upp og breyta og bæta og svo hef ég tekið eftir því að margir eru farnir á svokallaða Moggablogg... og hvað geri ég ??? jebb komin með síðu á Moggablogginu, setti upp eina í gær og hef verið að föndra við hana. Nei ég ætla ekki að segja ykkur slóðina á henni alveg strax, bara svona að segja ykkur af þessu :o)
ps það skondna samt er að ég var varla búin að sleppa fyrstu færslunni þegar ég var komin með lesanda sem bauð mig velkomna og óskaði mér velfarnaðar, hehe það fannst mér sætt :o)

Hvað var svo gert í dag?

2007-01-14T21:26:00.000Z

Jæja sunnudagur að kveldi kominn og ég sest við tölvuna til að blogga um daginn í dag... mikið dáist ég að þeim sem nenna að lesa þetta hjá mér...

Nema hvað, þetta leit út fyrir að verða heldur tíðindalaus dagur, jú bóndinn fór með verðandi nágranna uppí lóð þar sem verðandi hús mun rísa vonandi á þessu ári til að hæðarmæla, gengu þarna um með mælitæki og hræddu fólkið í Grafarholtinu svo mikið að ein fann sig knúna til að hringja og kanna þetta tiltæki, (reyndar var þetta móðir mín,,,) Ég veit ekki alveg hvernig þessar mælingar fóru fram, en einhverjar niðurstöður eru komnar og prinsinn situr núna við tölvuna (sko stóru tölvuna) og færir inn tölur og teiknar í gríð og erg.

Þegar hann kom svo vel útbúinn til okkar aftur þá hafði verðandi nágrönnum dottið í hug að nota þennan blíða dag í að fara og renna okkur á snjósleða, jibbý :o) ekki þó í Úlfarsfellinu heldur í Lágafellinu, keyrðum uppí Lágafellskirkju vel byrg af nesti og snjósleðum og renndum okkur í gríð og erg, þvílíkt gaman og held bara að blessuð börnin hafi líka notið dagsins...

Á leiðinni heim ákváðum við að róa gömlu hjónin í Grafarholtinu og kíktum til þeirra í kaffi, enda var boðið uppá vöfflur :o)

Núna er búið að baða yngri snótina og prinsinn búinn að fara yfir stærðfræðina með þeirri eldri.

Ég held að þetta hafi flokkast undir góðan dag.

Villuráfandi sauðir

2007-01-13T21:46:00.000Z

Fór í Hreyfingu í morgun, tók létta æfingu á fjölþjálfanum, en aðalatriðið var þó að fara í gufuna á eftir, mmmm ljúft og svo fékk ég besta kaffibolla í heimi á eftir hjá minni kæru Kristjönu sys (takk kæra sys sssmakk)

En það hefur ekkert með titil dagsins að gera... nei... Núna kemur það...fór með frumburðinum mínum í Smáralindina, erindið var að finna buxur á skvísuna og valdi hún Smáralindina til þess arna... ohhjæja Útsala... vill einhver segja mér hvernig maður ber sig að á svona útsölu ? ég er bara ekki að fitta þarna inn... sko ef ég sé eitthvað sem mér líkar þá er það ný vara og EKKI á útsölu... og það sem er á útsölu er vara frá því í hitteðhitteðfyrra og er SVO dödsmart í dag... eða ekki ! Við römbuðum þarna um eins og "allir saman nú" já villuráfandi sauðir :o) eina gleðin við Smáralindina var þegar við settumst niður og fengum okkur kaffi jah ég fékk mér kaffi og brauð, hún fékk sér heitt súkkulaði og köku, en við urðum nú að rembast við að kaupa buxur þannig að við reyndum ekki að glata tilefninu og enduðum á erindinu, já meira að segja tvennum buxum og ægilega fínu Puma belti... þessi elska fyllir 12 árin í næstu viku og það er verið að redda afmælisgjöfum frá ömmu, afa og afa. "mamma ég vil ekki vita allt sem ég fæ í afmælisgjöf"

Tengdapabbi var að fara frá okkur, hann var í mat (lambafillet og ýmislegt gott með) núna er verið að tjatta við hann á msn'inu, miðbarnið (prinsinn minn) fór til hans í dag til að setja það upp hjá honum, hann fékk beintengingu í jólagjöf og það er verið að henda honum inn í tuttugustuogfyrstu öldina svo um munar... en ég held að hann hafi bara gaman að þessu netdæmi :o)

En sem sagt laugardagskvöld... við vorum að fara með mikinn ljóðskap við matarborðið í kvöld og minntumst einnar góðrar:

"Helvíti bad veður í nótt
Fíra braggar fjúka upp
Æ dont nó
há meni pípúl dó"

Boot Camp -dagur tvö

2007-01-11T20:02:00.000Z

Vá og ég meina Vá !! komst að því að þriðjudagurinn var bara kynningarFUNDUR :o) Þetta var ótrúlegt púl í dag... byrjuðum á stigahlaupi, hlaupið 4 ferðir upp og niður stigana, þetta eru 6 hæðir (held að einhverjir hafi hlaupið fleiri ferðir, en ég fór 4 og fannst það alveg nóg) knúsuðum malbikið í bílakjallaranum í armbeygjum og allskynns æfingum, vorum þakklát fyrir að fá að hvíla ennið á marmarflísagólfinu í einhverjum frekar lúmskum æfingum og enduðum síðan á 600 magaæfingum (ekki prentvilla sexhundruð á það að vera) og þá máttum við fara í sturtu.

Það sést orðið langar leiðir hverjir eru í hópnum, það erum við sem erum með frekar skrítið göngulag og stynjum þegar við stöndum upp eða setjumst niður. Og þetta borgum við fyrir :o)

Þetta er rosalega gaman og þvílík hópefling, góð stemmning í hópnum núþegar :o) Í dag fengum við svo matardagbók og upplýsingar um hvað skuli borða og hvað er minna vinsælt... ég var með spínatlasagna í matinn í kvöld og fólkinu fannst það bara gott :o) allir græða...

Geggjað

2007-01-09T18:48:00.000Z

Vá hvað það var gaman í morgun. Tær snilld, allir vöðvaflokkar teknir í spæn og svo hlaupið inn á milli... hlakka bara til að fara aftur á fimmtudaginn :o) Góð tilfinning að vera komin af stað aftur, þetta hefði aldrei getað endað vel sú hála braut súkkulaðis sem ég var byrjuð að renna til á.
Síðan var kynningarfundur um Dale Carnegie námskeiðið sem hefst hjá okkur á mánudaginn, það verður líka strembið en örugglega gaman, þar sem ég hafði ein verið áður á svona námskeiði þá bað hún mig að vera aðstoðarleiðbeinandi, sagði strax já við því enda vil ég fá sem mest út úr þessu námskeiði... gráðug? :o)

Temmilega þreytt núna, var að koma úr vinnu, mikið að gera í dag þannig að ég sá að ég varð að sitja aðeins lengur ef að ég ætti að koma að borðinu mínu í einhverju skipulagi á morgun, en núna er ég að fara að elda ofan í flokkinn og svo verður örugglega tekið því með stóískri ró í kvöld. Hrísgrjón með vorlauk og kjúlli með brokkolí nammi namm

Vöknuð

2007-01-09T06:10:00.001Z

Hey það tókst... ég er vöknuð (aðeins of snemma) og farin...

Er þetta ekki magnað???

2007-01-08T21:01:00.000Z

Éraðfaraðsofa... góða nótzzzz

Jæja allt virðist í góðu lagi...

2007-01-08T17:58:00.000Z

Eftir að ég fór í internet options og strokaði út internet files þá gat ég kíkt á síðuna mína... samt alveg stórfurðulegt hehe. En fékk Gerðu til að setja inn komment :o)

Annars var þetta fínn dagur, þó ég væri með gleraugun. Fékk komment frá vinnufélögum sem hljómuðu á þessa leið... "þú virkar gáfaðari með gleraugun" "Þú ert svo greindarleg" "nei sko þú ert eins og kennslukona" (sem sagt gáfuleg ?innskot höfundar) "þú ert bara flott svona"... nema Ingibjörg Jenný hún kallaði bara yfir salinn "Lúði"
Ég sem sagt get gert ráð fyrir því að ég hafi verið temmilega heimskulega útlítandi síðustu tvö árin...

BootCamp á morgun klukkan 06:30... ég kvíði stórlega því að vakna svona snemma, eða eiginlega kvíði ég því að vakna ekki... sko klukkan 06:00 þá er NÓTT ! Halló...

Stal þessu vídeói af síðunni hennar Tinnu (sjá link til hliðar Tinna hennar Stefaníu :o)) Sorrý Tinna, þetta var bara of gott til að láta fara fram hjá sér...

Furðulegt

2007-01-08T12:51:00.000Z

Ég virðist geta loggað mig inná bloggkerfið en ef að ég ætla að sjá bloggið mitt þá þekkir hún ekki þennan file og býður mér að vista ??? kemst inn á aðrar síður sem hafa kerfið blogspot.com, en ekki mína síðu... hmmmm
Kemst þá enginn inn á síðuna mína eða hvað ?
Hjálp!!!

Ennþá skrítin

2007-01-07T20:32:00.000Z

Möööhh er ennþá með skít í auga þannig að ég sé allt frekar skrítið og er skrítin, verð líklega með gleraugun á morgun líka, en svo vonandi ekki meir í bili...

Jólin eru komin í kassa, pakkaði þeim niður í dag og eldaði svo kótilettur í kvöldmatinn, nammi namm... byrja í átakinu á þriðjudaginn :o/

Úmpalúmpinn ég...

2007-01-06T22:39:00.000Z

Vaknaði í morgun með tvöfalt auga, komin með einhvern skít í augað og varð því að plokka linsuna úr auganu og vera með gleraugun í dag og á morgun og kannski hinn, en svo ekki meir, neita því alveg, ég er ekki þessi gleraugnatýpa, þau fara í taugarnar á mér... finnst ekki ljótt þegar aðrir eru með gleraugu, nei mér finnst ég bara skrítin með svona hlut framan í mér, verð eitthvað svo... æji skrítin, þannig að ég er ALLTAF með linsur, nema í dag og þá þurfti maður nátturulega að fara út meðal fólks... jamm

Dagurinn byrjaði á mælingunni... hún fór nokkurnveginn svona fram (munið að mér finnst ég skrítin með gleraugu) *mætti í hús Bootcampsins, þar mætti mér ungur myndarlegur drengur og segir hressilega, #hæ ég heiti (sorry man það ekki) en þú?
*María mumlaði ég, (verulega vör við gleraugun á nefinu á mér... )
#og hvað ertu gömul? ennþá hress...
*37 úffaði ég, (núna var ég orðin gömul OG skrítin, )
#stígðu hér uppá vigtina gamla skrítna kona sagði hann þá (mér heyrðist hann allavegana segja það)
#$%%$&# Sem sagt núna vildi hann líka vita hvað ég var þung !!! og svo tók hann fram málband og mældi mig og svo tók hann fram klípitöng og kleip í spikið á maganum á mér... ég grét bara, fór svo í bakaríið og keypti mér snúð, stórann með súkkulaði...

Seinni part dagsins var síðan ættarmót jamm þið lásuð rétt ÆTTARMÓT, þá hittir maður einmitt FULLT af fólki sem aðeins sér mann einu sinni á ári og eiga sem sagt eftir að muna eftir mér í heilt næsta ár sem skrítnu gömlu konunni með gleraugun... æði.

Annars ef ég hætti að bulla þá kom mælingin alls ekki svo ílla út og það var verulega gaman á ættarmótinu, þetta er semsagt Hlíðbergsfjölskyldan tengdamömmu meginn, við hittumst árlega í kringum þrettándann, allir koma með gott á borðið og svo er bara borðað og spjallað. Stór hópur saman kominn og bara skemmtilegt.

Núna er búið að sprengja jólin bless með þessari einu sprengju sem við geymdum og við að fara að sofa.... bráðum.

Bland í poka.

2007-01-05T21:41:00.000Z

Jæja smá lífsmark frá mér,

Síðustu dagar hafa farið í að standa við áramótaheitin mín og hvað gerir maður þá ? jú les nokkrar blaðsíður í bókinni um leyndarmál Heimsins... dugleg stelpa :oÞ

Já og tók áskorun sem birtist í Sjóvá... þorir þú ?
Boot Camp í fimm vikur klukkan 06:30 á þriðjud. og fimmtud. Púúl... byrjum á þriðjudaginn, mæling í fyrramálið (fitu og ummáli) jeminn eini... þið fáið örugglega að fylgjast með! Það eru ss um 17 starfsmenn sem ætla að koma sér í form með því að hlaupa stiga og hamast í bílageymslunni, þvílíkt stuð !!! hlakka mikið til, já ég hlýt að vera biluð.

Síðan á að taka á því huglega líka, erum í framlínunni að byrja á Dale Carnegie námskeiði sem verður á mánudagskvöldum næstu 10 vikur... eða Deil Kannekki eins og Dóra mín sagði... (ha mamma ertu að fara á deil kannekki?) Hef áður farið á slíkt námskeið og bind því miklar vonir við þetta núna, veit hverju ég á von á, en er spennt að sjá hvernig þetta verður sett upp.

Stórskemmtileg keila í gærkvöldi, unnum alla þrjá leikina Gó Sjóvá :)

Í morgun var hringt frá leikskólanum,,, Karen Sif var að hlaupa, skallaði vinkonu og önnur framtönnin er laus, fengum tíma hjá tannlækni, allt virðist í lagi, en fylgjast með næstu dögum, óheppin litla skvísan :(

Sonur fyrrum samstarfsfélaga hjá Eimskip og bróðir skólasystur Dóru okkar dó í fyrradag, hann Jón Ævar Ármannsson. Síðan á aðfangadag höfum við fylgst með líðan hans og hugsað til þeirra daglega á þessum erfiðu tímum, felldum tár í samúð.

Svona liðu dagarnir.

Vetur, kalt, frost, snjór, brrr...

2007-01-02T17:48:00.000Z

Má til með að deila með ykkur þessum myndum sem mágur minn hann Sigurður Valur yfirvélstjóri á Brúarfossi sendi okkur. Þetta er svona til að minna okkur öll á að það er vetur einhversstaðar þó hann sé ekki alveg hér hjá okkur... kuldalegt er það...

Við hefðum kannski átt að senda þér lúffur Siggi minn ?

Hið stórfenglega leyndarmál Heimsins

2007-01-01T13:40:00.000Z

Áramótaheitið:

Verða bara svo miklu betri manneskja!

...til vara...

Hreyfa mig reglulegarara, þeas skipulagðarara.
Lesa bókina sem prinsinn læddi á koddann minn aðfangadagskvöld (sjá titil bloggsins).

Læt þessi duga, því venjulega stend ég ekki við áramótaheitin mín nema mjög takmarkað, hlýt að geta þetta á nýju ári, þetta með bókina er eiginlega sjálfgefið - easy ...hitt ? jahh leyfi ykkur að fylgjast með.

Áramót

2006-12-31T16:32:00.000Z

Jæja þá fer þessu ári að ljúka, svona rétt áður en ég fer í áramótagallann og skrepp í mat til mömmu og pabba vildi ég kasta kveðju á ykkur öll sem gera þetta blogg að veruleika, því án ykkar lesendur góðu væri ég ekki búin að halda við þetta blogg síðan í sumar...

Það er góður siður að líta um öxl og þakka það liðna... margt hefur gerst á árinu og það sem kannski markar þessa litlu fjölskyldu mest er ákvörðunin að byggja kofa í Úlfarsfellinu, það hefur verið þrælspennandi ferli og mjög skemmtilegt, en jafnframt hefur húsmóðirin á þessu heimili fengið reglulega kvíðakast yfir þessu öllu saman og eru allir brúnu bréfpokarnir löngu upppurnir (anda rólega).

Þegar ég byrjaði á þessu bloggævintýri þá vissi ég ekki útí hvað ég væri komin... byrjaði sem fikt og er núna háð því (gott að þetta voru ekki reykingjar eða drykkja). Hef eignast vini á öðrum bloggsíðum sem er bara ótrúlega gaman og vinir mínir og ættingjar kannski haft gaman að því að gæjast aðeins inn í hugarheiminn minn og þannig kynnst annari hlið á mér, veit ekki. Allavegana er áramótaheitið mitt ekki að hætta þessu, eins og einhverri annari fíkn, þannig að Rabbi minn laptoppinn verður ennþá á stofuborðinu og ég að bloggrónast og bulla, sem sagt upptekin ;o) vona að ég geti haldið áfram að vera "skemmtileg" og leyft ykkur að fylgjast með því sem um er að vera í mínu lífi... kannski hef ég frá meiru að segja þegar byggingin er komin meira á skrið...

Kæru vinir nær og fjær...

Með kærri þökk fyrir það sem er að líða.

Dagurinn í dag...

2006-12-30T23:25:00.000Z

Vá - hann var hreint yndislegur :o)

Byrjaði á að ég fór til bóndans Gísla á Dalsgarði Mosfellsdal og keypti af honum rósir. Skemmtilegt að fara svona til bóndans, fullt af fallegum rósum og eitthvað svo kósí, ekki í síðasta sinn sem ég heimsæki hann :o)
Verslað sitt lítið af hvurju fyrir næstu daga og svo heim... gera brúðarvöndinn fyrir Bryndísi og barmblómið fyrir Ástþór, baða stelpurnar og gera okkur öll sæt og fín og tilbúin í brúðkaup ársins. Það er nú alltaf gaman að gera skreytingar og brúðarvendi og annað blómatengt, en ennþá skemmtilegra að gera brúðarvönd fyrir einhvern sem maður þekkir, það er alveg spes :o)

Brúðkaupið var síðan kl 17:30, alveg frábær presturinn hann Bjarni í Laugarneskirkju, þar fékk ég heiðurinn að sitja með honum Þór, afskaplega fallegur drengur og svo góður og rólegur og kátur. Þetta var bara ekkert mál. Athöfnin var svo ótrúlega falleg, og presturinn talaði svo fallega til þeirra og Þórs "sem sat hjá ástvini á þriðja bekk" Alveg þriggja vasaklúta móment. (ég notaði tau-bleyjuna hans Þórs)
Veislan haldin í Skólabæ á Suðurgötunni, verulega huggulegt, en við dvöldum nú ekki lengi því mál var að fara með Þór litla heim, eftir smá rúnt í bænum, tókum pínu vitlausa stefnu heim til þeirra og enduðum í miðbænum hele familien, fórum alveg í rúnt gírinn, rúlluðum niður rúðunni og görguðum útum gluggann á þessa sem voru fótgangandi "fáðu þér bíl ræfill" svaka stemmning hahaha...
Fundum síðan litla húsið þeirra á Bragagötunni eftir nokkra hringi, sko við vissum alveg hvar þau eiga heima, en vorum bara að taka því rólega hann Þór svaf svo sætt... en við keyrðum alltaf fram hjá Eldsmiðjunni að það varð að enda með því að þegar við vorum komin í hús þá skaust ég út til að ná í eina svona eldbakaða, maður má bara til. Þau búa svo sætt, Karen var alveg heilluð, "það er allt svo lítið hérna, lítið hús, lítið sjónvarp og lítið rusl..."

Jæja við erum svo komin heim, kristjana sys komin til að leysa okkur af og taka við næturvaktinni.

Svona leið nú dagurinn hjá okkur í dag... einnig má finna lýsingu á deginum á bloggsíðu Dóru dóttur minnar.

Húsfélagsfundur

2006-12-30T00:38:00.000Z

Vorum að koma af húsfélagsfundi Úlfanna. Mikið skeggrætt, mikið borðað af pizzu ala Eyrún og eiginlega heillri belju slátrað... sko belju af hvítvíni... takk fyrir góða kvöldstund :o)
Ákvarðanir fundarins: Halda áfram að byggja og allt verður sett í botn annan janúar. þe húsið tekið úr jólasaltinu. Góðar stundir.

Japl

2006-12-29T10:04:00.000Z

Hún Viktoría stórvinkona mín Beckham tjáði sig fyrir stuttu (í gær á mbl.is) að hún væri hrædd um að gallabuxurnar hennar myndu ganga af henni dauðri Sjá hér,,,

Ég verð að segja að þetta skil ég vel... það er ekki með heiglum hent að líta vel út í gallabuxum, og alls ekki öllum gefið, þó svo að við hér skytturnar þrjár hjá Sjóvá vorum ekkert feimnar við að sýna hvernig maður á að líta út í flottum gallabuxum... sko ef að við hefðum hallað okkur mikið meira fram þá hefðum við getað dottið framfyrir okkur og hlotið stórskaða af, já kannski bara dáið og hefði þá það slys alveg verið hægt að rekja til gallabuxnanna... ég verð að segja það, hef verulega áhyggjur af því...

Hmmmm

2006-12-28T21:04:00.000Z

Ég held að þetta hafi bara gengið sársaukalaust fyrir sig...

Allt er breytingum háð

2006-12-28T20:25:00.000Z

Ég er að breyta... ef að bloggið mitt er skrítið þá er það vegna þess að ég er að breyta á því. Svona er nefnilega dæmigerður tvíburi, alltaf að leita að einhverju nýju til að gera dæmið aðeins flóknara... búin að uppgreita fyrir nokkru síðan, en þá er því ekki alveg lokið, nei það er hægt að gera eitthvað aðeins meira og ég verð að prófa það... vona bara að allt fari ekki til (ritskoðað)

Annað... verð að koma þessu frá mér, hvað gerðist með bikarinn sem íþróttamaður ársins þurfti að burðast með af sviðinu, hver bar hvern ? jeminn eini, þetta minnti mig á leikgrind !

Heimilisráð...

2006-12-27T20:24:00.000Z

Frábært ráð fyrir þig ! Ef að sigtið í uppþvottavélinnni er stíflað af mat, ekki nota ryksuguna til að hreinsa út blauta matinn og vatnið sem ekki skolaðist út. Ef þú gerir það þá mun ryksugan hætta að virka og einhver verður mjög pirr og undrar sig á því hvers vegna í veröldinni þú tókst ekki matinn upp með eldhúspappír eða þvíumlíku. Ég meina í alvörunni, af hverju ættir þú svosem að gera það ? Þannig að krossaðu fingur að dýra ryksugan þín mun virka aftur eftir að allir hlutirnar eru þornaðir.
Að öðru, Ég fékk rosa flotta Kitchenaid-hrærivél og -blandara í jólagjöf og dauðlangar til að búa til eitthvað rosa gott, en ég get það ekki því að eldhúsborðið mitt er fullt af litlum ryksuguhlutum sem eru að þorna.
æji þetta er bara bull...

En þetta er ekki bull...
Bryndís frænka mín gerir lítið annað en að gleðja gömlu móðursystur sína, í dag hringdi þessi elska og bað mig að gera fyrir sig brúðarvöndinn :) sniff sniff gleðitár... ohh hvað ég er gömul og meir :)

Var að skoða vef kokku www.kokka.is í dag, vá hvað það er mikið til þar af allskyns sniðugu, eins gott að sleppa mér ekki inn á þá verslun með kredit kortið, bara smá aðvörun, eða er það viðvörun ?

Það sem ég vildi sagt hafa...

2006-12-23T22:52:00.000Z

Þorláksmessa... nei við fórum ekki í bæinn. Fórum þess í stað til tengdapabba og hóstuðum í okkur saltfisk, sko hann og Lilla frænka hósta við hvern bita af vel kæstri skötunni þannig að við vildum ekki vera minni menn og konur og hóstuðum því saltfisknum í okkur. Höfum verið bisí við að ná skötuilminum úr nefhárunum síðan...

*Búin að versla allt fyrir jólamatinn á morgun og líka hina dagana, eða svotil (slæmt væri að eiga það eftir)
*Búin að pakka gjöfunum inn (og hlæja að jólakattartekstanum á blogginu hennar Gerðu...hahaha)
*Búið að skreyta jólatréð,
*Búið að hengja upp allar seríur, keyptum eina í dag í Glóey :o) hún fór í svefnherbergisgluggann, svona líka gassalega fín (erum við nokkuð of sein að bæta við ljósum ?)

Ég held bara svei mér þá að jólin mega koma með Kertasníki í nótt...

Eeennn... það sem ég vildi sagt hafa er:

Kæru blogglesendur nær og fjær
Óska ykkur öllum Gleðilegra jóla,
megi hamingjan hossa ykkur inn í hátíðina.
Kær jólakveðja, MajaG

Ó bróðir hvar eruð þér ?

2006-12-21T11:57:00.000Z

Ákalla hér hinn mikla blogganda, minn hefur yfirgefið mig, vonandi tímabundið, en auglýsi ég hér með eftir nýjum... má vera létt notaður, en þá verður hann að vera öfga skemmtilegur. Muna að ég er bara 35% normal, en 60% skrítin, æji já auglýsi líka í leiðinni eftir 5%... kannski að þau hafi farið með hinum mikla blogganda...

Það er ekkert að gerast, sem er soldið skondin setning, því að það er allt að gerast. Jólin kommon... fór í gær til tengdapabba í bílskúrinn og gerði 5 leiðisgreinar fyrir hann og okkur, því ein fer jú á leiði tengdamömmu. Þetta eru þá þriðju jólin án hennar... alltaf jafn skrítið að hugsa til þess, en tengdapabbi verður aftur hjá okkur þá um jólin og er það bara ánægjulegt :o)

Fann loksins hina fullkomnu gjöf fyrir Karen okkar... Bleikur Henson galli merktu Sollu Stirðu, já já ægileg markaðssetning hjá Magga Skeving, en þetta virkar, mín er mikill aðdáandi Sollu Stirðu og vill allt gera eins og hún, bæði vera liðug og borða fullt af grænmeti, eða íþróttanammi eins og hún kallar það. Þannig að ég veit að hún verður alsæl með æfingargalla eins og Solla Stirða á :o)

Sko ef að ykkur leiðist lesturinn þá verðið þið kæru lesendur bara að hjálpa mér að leita að bloggandanum, mér leiðist alveg jafnmikið og ykkur að þurfa að vera svona leiðinleg. Hann er hávaxin, sterklega byggður, ljós yfirlitum og með afbrigðum fríður, svona eiginlega eins og Herkúles...

ps. ef þú ert að lesa Bryndís mín þá er ég ekki að tapa glórunni og get alveg passað Þór...